އެމް.ޑަބްލިޔޫ.އެސް.ސީ އަކީ ފެން ވިއްކާ ފެކްޓަރީއެއްތަ، ނޫނީ އަސާސީ ޚިދުމަތެއް ފޯރުކޮށްދެމުންދާ ތަނެއްތަ؟
އެމް.ޑަބްލިޔޫ.އެސް.ސީ އިން އުފައްދާ ފެނުގެ ބިލް އަތްނޫފޯރާފަށުގައި ހުރި އިރު، ކަނޑު އަޑިން ކައިރިރަށްރަށަށް ފެން ފޯރުކޮށް ދޭން މިކުންފުނިން މަސައްކަތް ކުރަމުން ދާކަމަށް ވަނީ ޚަބަރު ދަނީ ފަތުރަމުންނެވެ. ކަނޑު އަޑިން ނުވަތަ ސަބްމެރީން ޕައިޕްގެ އެހީގައި ފެންފޯރުކޮށް ދިނުމަކީ ބައެއް ޤައުމުތަކުގައި ކުރަމުން އަންނަކަމަށްވިޔަސް، އެމް.ޑަބްލިޔޫ.އެސް.ސީއިންް އެހިސާބަށް ދާން ވެއްޖެތޯ މިއީ ހިތަށް އަރާ ސުވާލެކެވެ.
ހައެއްކަ މީހުން ދިރިއުޅޭ ގޭބިސީއެއްގެ ބޯފެން ބިލަށް މަހެއްގެ މައްޗަށް 1500 އާއި 2000 ރުފިޔާ، ދައްކަން ޖެހިފައިވާ އިރު ފެން ބިލަށް ލުޔެއް ނުގެނެސް، ފައިދާ ނަގަމުންދާ ކުންފުންޏެއްގެ ގެތުގައި ފެންކުންފުނި ހަރަކާތްތެރިވަމުން އަންނަކަމީ، ފެނުގެ ރެގިއުލޭޓާއި ދެތެރޭ ސުވާލު އުފެދޭކަމެކެވެ. ފެންކުންފުނި ހިންގަން ތިބި ވެރީންގެ ނިޔަތާއި ދޭތެރޭ ސުވާލު އުފެދޭކަމެކެވެ. ފެންކުންފުނި ހުރި ދިމާލުން ޖައްވަށްގޮސް ޖައްވުގެ އެހެން ޕްލެނެޓެއްގައިި މީރުފެން ހުރިތޯ ބެލުމަށްފަހު، ތާޒާފެން ލިބެން ހުރިކަމުގައި ވަނީނަމަ ފުޅިފުޅީގައި އެ ފެން ބަންދުކުރުމަށްފަހު ދިވެހިންނަށް އެފެން ބޯންދޭން ތިމަންނާމެން އެބަ ގަސްދު ކުރަމޭ ބުނެ ހާމަނުކުރީ ކީއްވެތޯ ހިތައްއަރައެވެ. ނޫނީ ތިމަންނާމެން މިހާރު މިމަސައްކަތްކުރަނީ ފެން ސަޕްލައިކޮށް ދިނުމުގެ އިތުރުން، އިތުރު ހޮޅިލައިނެއްގެ އެހީގައި ގޭގެއަށް ފިނިކުރި ކުރުނބާފަނި ނުވަތަ ފެންޓާ ސަޕްލައިކޮށް ދިނުމަށޭ ނުބުނީ ކީއްވެތޯވެސް ހިތައްއަރައެވެ. ހަމަގައިމުވެސް ފެންޓާ ނުވަތަ ކުރުނބާ ފަނި ސަޕްލައިކޮށްދިނުންވެގެންދާނީ ދިވެހި ރާއްޖެޖަހަލަ ހޫނުތަނަކަށް ވަރަށް ބެނުންތެރި ޚިދުމަތަކަށެވެ.
މޯލްޑިވްސް ވޯޓަރ އެންޑެ ސެނިޓޭޝަން އޮތޯރިޓީއަކީ ފެން އުފައްދާ ފެންވިކާ މިފަދަ ތަންތަން ރެގިއުލޭޓްކުރުމަށް ހުރި ތަން ކަމަށްވީހިނދު، ފެން ބިލު ކުޑަކުރުމަށް މަސައްކަތް ނުކުރަނީ ކޮންކަމެއް ބޮލައްއަރައިގެން އުޅޭތީތޯ ހިތައްއަރައެވެ. އަސާސީ ހިދުމަތެއްފޯރުކޮށް ދެމުންދާ ފެން ކުންފުންޏަކީ އަހަރަކު 50 އާއި 60 މިލިއަން ރުފިޔާގެ ސާފު ފައިދާ ސަރުކާރަށް ވައްދަންޖެހޭ ބައެއްތޯއެވެ. ފެލިވަރުގެ މަސްބަންދުކުރާ ކާރުޚާނާހެން، ނުވަތަ ފަތުރުވެރިކަމުގެ ސިނާޢަތުހެން ފެން ކުންފުންޏަކީ ރައްޔިތުންގެ ފެން ބިލުތަކަށް ބޮޑު އަގު ނެގުމަށްފަހު ސަރުކާރަށް އާމްދަނީ ހޯދައިދޭ ތަނަކަށް ފެން ކުންފުނި ވާންޖެހޭތޯއެވެ. ފެންކުންފުނީގައި އުޅޭ އެކި ވަރުވަރުގެ ވެރީންގެ މުސާރަ، ބޮޑު ބަނަހެއް ސައިތައްޓަށް ވައްޓާލީމަ ބޮޑުވާހެން ކޮންމެ އަހަރަކު ބޮޑުވެ، ގޭގެއަށް ފެންގުޅައި ދިނުމުގެ އެލަވަންސާއި، ފެންކާނޑާލުމުގެ އެލަވްންސާއި، ނަޖިސްހޮޅި ބުރިކޮށްލުމުގެ އެލަވަންސާއި މަގުމަތީ މައި ހޮޅި ސާފުކުރުމުގެ އެލަވަންސު ފަދަ ތަފާތު ގިނަ އެލަވަންސް ހިމަނައިގެން، މިވެރީންގެ ޖީބު ބޮޑުވަމުން އަންނަ އިރު ފެންބިލުތަކަށް ލުޔެއް ނުލިބޭކަމީ އަރަތެކެވެ. ޑީސެލިނޭޓް ކުރުމަކީ އަގުބޮޑުކަމެއްކަމަށް ބުނެ، ރައްޔިތުން ފެލަމުންދާއިރުު، ޑީސެލިނޭޓް ކުރުމަށް ދާޚަރަދު ނޭގޭ ކުޑަކުއްޖަކުވެސް މިހާރަކު ނޫޅެއެވެ. މިކަމަކީ ޚަރަދު ބޮޑުކަމެކޭ ބުނެ، ރެގިއުލޭޓަރުންނަށް ތިބޭ މަރުމޯލުންނަށް ބިރުދައްކަމުންދާ އިރު ފެން ކުންފުނި ހިންގަން ތިބި އެކި ވަރުވަރުގެ ވެރީން ދުވަހު ދެއިރު އަތުކުރީ ގަޑި ޓިޝޮޓު ނޫނީ ރާޑޯއަށް ބަދަލުކޮށްް ގެންގުޅޭ ފޯން އައިފޯނަށް ބަދަލުކޮށް ހަދަމުންދާއިރު ފެން ބިލު ކުޑަކުރުމަށް އެއްޗެއް ބުނާއިރަށް " މީހާދަ އަގުބޮޑުކަމެކޭ އިގޭތޯ، ތެލުގެ އަގު ހާދަ ބޮޑޭ، މީ ކުރެވޭ ވަރުގެ ކަމެއް ނޫން" ކަމަށް ބުނެ ބަހަނާ ދައްކަމުންދާއިރު، މިވެރީންގެ މުސާރަ 25000 ހުން 35000 ހުން ހުންނަންޖެހޭތޯއެވެ. ތެލުގެ އަގުބޮޑުވާއިރު، ފެން ބިލަށް ބަދަލެއް ނައިސް މިވެރީންގެ މުސާރަ ބޮޑުވާންޖެހޭކަމީވެސް ކުޑަވަރެއްގެ އަރަތެކެވެ.
ކަނޑުގެ ބިޔަ ރާޅުތަކުގެ ތެރެއިން ފުންކަނޑުގެ އަޑީން ފެންހޮޅި ލާން ދިރާސާކުރަން ފައި ނަގާއިރު، މި ބުނި އަގުބޮޑު ޑީސެލް ބޭނުންނުކޮށް ފެން އުފެއްދޭނެގޮތް ހޯދާ، ނިކަމެތި ރައްޔިތުންގެ ފެންބިލަށް ލުޔެއް ލިބޭނެގޮތަކީ ކޮބައިތޯ ބެލުމަށް، ފައި ބިންދި އަސާގަނޑަށް ތިރިވެފައިވާ ސިޔާސީ ޕާޓީ ހިންގަމުންދާ ފެނުގެ ރެގިއުލޭޓަރާއި ގުޅިގެން މަސައްކަތް ކުރަން ނުވޭތޯއެވެ.
3 comments:
good point, its time MWSA to work on to revise the water tariff. Water bills for 6 or 7 member family is too much now
This is an interesting artilce. i think MWSA need to work hard with relavent agenices especially with Ministry of Finace to adovacte them that water is a basic necessisty and need not be considerd as an income generating and profit making comodity to run the goverment. i dont blame MWSC on this as this is due to blind and irrelevent policy of goverment, but this need to stopped. The current in charge of MWSA has no such a vision, neither the capacity to solve this issue. he is just a pcyco Dr, who knows to sack the staff and prepare graphs on balast water.
water maker
Ya, this is an interesting one, I wondor why MWSA is not functioning with the mandates given to the institute. It appears that MWSA has no power on MWSC.
Post a Comment