އޭރުގެ ކޮރަޕްޓް ވެރިން ރައްޔިތުންގެ ސަރުކާރުގައި ކޮންސަލްޓަންޓުންގެ ގޮތުގައި
ވެރިކަން ނިމެން ހަފުތާއަކަށް ކުޑަވެފައި ވަނިކޮށް އޭރުގެ އެކި ވަރުވަރުގެ ރައްލާޖެހި ވެރީންވަނީ ބޯ އަތްފޯރާފަށަށް ތިރިކޮށް ބޮލުގެ ބޭނުން ހިފާފަވެ. އޭގެތެރެއިން ބައެއް ވެރީންނަކީ ނައިބު ފެންވަރުގެ ވެރީންނެވެ. އަނެއް ބައި ވެރިންނަކީ ދަށުފަލިޖަހަން ތިބި އޮފީސް ކޮއްޕާ ވެރީންނެވެ. މި ފަހަރުގެ މި ޢަދަދުގައި މި ބަލާލަނީ، އޭރުގެ ވެރީންތަކުގެ ތެރެއިން ފެނާއި ނަރުދަމާ ކަންކަމުގައި ޙަރަކާތްތެރިވި ނައިބުފެންވަރުގެ ބޯ ހުދު ޑީ ވަޒީރެއްގެ މައްޗަށެވެ.
ދުވަސްވަރަކީ، މެދު އިރުމަތީގައި ޖަމަލު ގުއި ނައްތާލުމުގެ ނިޒާމް ފަރުމާކުރުމުގެ މަސައްކަތުގެ ތަޖުރިބާ ހުރި ކުންފުނިތައް، ސުނާމީއާއި ގުޅިގެން އިންޑިއާ ކަނޑުގެ ކުދި ޖަޒީރާ ގައުމުތަކުގައި ނަރުދަމާ ހޮޅިއެޅުމުގެ މަޝްރޫޢުތަކަށް ކުރިމަތި ލަމުން ދިޔަ ދުވަސްވަރެވެ. ކުވޭތު، ސަޢުދީ އެރޭބިއާ އަދި މިސްރު ފަދަ ގައުމުތަކުން އެކި ވަރުވަރުގެ މެޓާ އާއި ޓްރީޓް ހިފައިގެން އަންނަމުން ދިޔަ ދުވަސްވަރެވެ. މި ބްލޮގުގެ ޚާއްޝަ މުރާސިލު މަޢުލޫމާތު ދޭ ގޮތުގައި، އެންމެ ވަރުގަދަ ސްވީޓާއި ޓްރީޓް ރާއްޖެ އެތެރެކޮށް ފައިހަރުލި ކުންފުންޏަކީ އަލް ހަބްޝީ ކިޔާ ކުވޭތުގެ ކުންފުންޏެކެވެ.
މަޢުލޫމާތު ލިބޭގޮތުގައި، ކަނޑުފެތިގެން ދިޔަ ޒަމާންވީ ޚުދުމުޙުތާރު ސަރުކާރުގައި ނަރުދަމާ މިނިސްޓްރީގައި އޭރު ހުންނެވި ބޯހުދު ހިޔަޅު ޑީ ވަޒީރު، ރަށްރަށުގެ ނަރުދަމާ މަޝްރޫޢުތައް ވިލަރެސް ކުރުމަށް ބޭއްވެމުން ދިޔަ ކޮންމެ މީޓިންގ އެއް ނިންމުމަށްފަހު އެއާ ވިދިގެން އިތުރު ސީކްރެޓް މީޓިންގ އެއް ބާއްވައެވެ. މި މީޓިންގ އަކީ، ސަރުކާރު ކަނޑު ފެތިއްޖެ ޙާލަތެއްގައި މިދެންނެވި ޑީ ވަޒީރަށް ކަނޑައަޅާ ބައިގެ މަޝަވަރާއެވެ. ދޭން އެއްބަސްވާ ބުދުޖެހި ޑޮލަރ ނިސްބަތުގެ ބަހުސެވެ.
ސަރުކާރު މިވަނީ ބަދަލުވަފައެވެ، ބޯހުދު ޑީ ވަޒީރު މިއަދު މިވަނީ އަތް ފޯރާފަށަށް ބޯތިރިކޮށް ބޮލުގެ ބޭނުން ހިފާފައެވެ. މި އަދު މިދެންނެވި ވަޒީރަކީ މެދު އިރުމަތީގެ ކުންފުނިތަކުން ރާއްޖެއަށް ކަނޑައަޅާފައި ހުރި ނަރުދަމާ އެމްބެސެޓަރެވެ. ނަރުދަމާ ނިޒާމްތަކުގެ މައި ހޮޅިއެވެ.
އޭރުގެ ކޮރަޕްޓް ވެރީން މިއަދު މިވަނީ ތޮފި ބަދަލުކޮށް ކޮންސަލްޓަންޓުންނަށް ބަދަލުވެފައެވެ. މެނޭޖަރުންނަށް ވެފައެވެ.
No comments:
Post a Comment